Neisplateni plati I pridonesi

Administrator (Feb 28 2017)

Почитувани, во вашиот случај можете да го направите следното: 1. Во врска со платите и придонесите и тоа што одите на работа, а вие и колегата сте непријавени, можете: - да поднесете тужба до надлежниот суд со која ќе барате да ви се исплатат неисплатените плати и придонеси. Ќе имате трошоци за составување на тужба кај адвокатот и за судска такса (износите се пропишани со тарифата на следниот линк bit.ly/2jLkZcd). Доколку го добиете спорот овие трошоци ќе ви ги исплати тужената страна. Во консултација со адвокатот, трошоците кон него можат да му се исплатат откако ќе заврши спорот. - да пријавите во Државниот инспекторат за труд дека одите на работа, а работодавецот во меѓувреме ве одјавил без ваше знаење. При тоа не заборавајте да му споменете дека вие и колегата пријавувате со цел да избегнете казни. Пријавувањето можете да го направите со јавување на телефонскиот број 151 31 или преку формата достапна на следниот линк dit.gov.mk/index.php на левата страна. 2. Во врска со неиздавањето на фискални сметки, случајот можете да го пријавите во УЈП на телефон 198 или на формата на овој линкwww.ujp.gov.mk/mk/kontakt/category/592 3. Нехигиенските услови можете да ги пријавите во Државниот санитарен и здравствен инспекторат на телефон 02/ 31 12 500 локал 104 4. Наплаќањето по различни цени се пријавува до Државниот пазарен инспекторат преку контакт формата на овој линкbit.ly/2jmraDN или на телефон 048/ 427 450 и 048/ 422 644. Пријавите до инспекторатите можете да ги направите и анонимно, но за таа до Државниот инспекторат за труд препорачливо е да се претставите за да се избегне казна за вас и колегата. Слободно контактирајте не доколку ви требаат дополнителни совети. Со почит, Транспаренси Интернешнл - Македонија

Александар Трајковски (Jun 24 2020)

Работев во приватна фирма ДАКА ЛИФТ ТРЕЈД ДООЕЛ Скопје, бидејќи газдата Трајко Костадиноски не ми исплатуваше навремени плати и не плаќаше придонеси јас бев приморан да си дадам отказ и да се вработам на друго место. По моето одјавување јас сеуште од истиот немам земено 5 ( пет ) плати и никој не го гони. Ве молам да ми одговорите како да постапам или Вие постапете по службена должност.