Нелегално здружение

Description

Како пензионер член сум на здружението на пензионери во Неготино. Здружението издаде оглас за доделување на станови, на кој се пријавив, бидејќи со невработената сопруга живееме под кирија. По бодирањето станот беше доделен на член кој би требало да има помалку бодови од мене. Направив мало истражување и открив дека:
- комисијата за доделување на станови е составена нестатутарно;
- здружението променило Статут неколку пати иако не се доставени во Централниот Регистар;
- членот кој го доби станот има поголеми приходи од мене, односно врши услуги за други членови на здружението за кои добива надомест во натура;
Се обратив до повеќе надлежни институции. Ве повикувам и Вас да ги разгледате околностите на случајот и да преземете мерки, колку што ви е можност, оваа според мене, погрешна постапка да се исправи.