Корупција со организирање на екскурзии во основно училиште

Опис на случката

Родител сум на осмо одделенец во ОУ Св. Климент Охридски во Охрид. Директорот не свика на родителски состанок минатиот ден, и ни посочи дека кој родител сака може да плати 5390 денари за детето да оди на екскурзија низ Македонија. Треба да се плати денес, за децата веќе утре да одат на екскурзија. Превозник е некоја агенција до Охрид која едвај ја измолиле да се нафати на работата. Сметам дека изборот на агенцијата е нетранспарентен, не е според Правилникот за екскурзии на министерството и конечно според муабети во чаршијата тоа е една од поскапите агенции во Охрид. Реално за тие пари децата можат и би требало да добијат и многу повеќе од екскурзија со две ноќевања. Минатата година за екскурзија плативме 4300 денари. Каде одат овие пари, ако треба да се плата директно во агенцијата?