Неисплатена плата

Transparency International Macedonia (Jul 16 2020)

Почитувани, Вашата пријава за неисплатени плати од вашиот работодавач беше разгледана и подолу е правен совет и мислење по вашата пријава: Во однос на исплатена плата важно е дали правното лице е корисник на финансиска подршка од Владата за подршка на фирми во исплата на плати за месец април и месец мај - Ковид 2. Доколку е корисник на оваа мерка како приватно правно лице не смее да ви исплати плата пониска од минимално утврдената плата во стопанството на РСВ,а тоа е 14.934,00 денари. Исто така, за да ви се исплати пониска плата од договорената, за тоа треба да постои соодветна одлука во фирмата. За сите овие неправилности, односно исплата на пониска плата и неисплата на плата како и пониска плата од минимално утврдената пожелно е прво доколку имате миожност да се информирате во кадровото оделение кај вашиот работодавач, а доколку не сте задоволни од одоговорот и се сомневате на неправилности можете да пријавите во Државниот трудов инспекторат на следниот линк dit.gov.mk/?page_id=208 . При тоа ве замолуваме да не известите дали сте пријавиле, на кој датум и дали добивте одговор од Инспекторатот. Ние ќе се обидеме да дојдеме до информација за тоа дали вашиот работодавач е корисник на овие мерки и дополнително ќе ве известиме, а доколку има можност и потреба за тоа ќе ги известиме надлежните институции. За дополнителни информации можете да не контактирате на нашиот телефон 02 321 000 секој работен ден од 09:00 до 17:00 часот. Со почит, Transparency International - Macedonia Naum Naumovski Borce 58,P.O. 270 Skopje, Republic of Macedonia T/F. + 389 2 3217000 E. info@transparency.mk www.transparency.mk/