Фалсификување на документи

Transparency International Macedonia (Mar 19 2024)

Транспаренси Интернешнл-Македонија Ви се заблагодарува на поднесената пријава и вооедно Ви го посочува следното: Согласно Правилникот за дисциплинска одговорност на Адвокатската Комора на РСМ по приемот на пријавата се спроведува претходна постапка во која се испитуваат наводите во истата и за таа цел се соработува со подносителот на пријавата, правни и физички лица, државни органи и институции од кои Комората бара податоци или појаснување. Согласно член 19 од Правилникот пријавата ќе биде отфрлена ако е анонимна. Од причина што во наводите на Вашата пријава е наведено дека пријавувате анонимно, пријавата истата нема да може да се процесира понатаму. Во секој случај Ви укажуваме дека доколку имате докази кои би и ги приложиле на Комората за нерегуларностите сторени од страна на адвокатката, ќе мора да се поднесе пријава која што нема да биде анонимна заради понатамошна соработка со органите на Комората. Доколку имате друго било какво прашање слободно обратете ни се.